رواية إنتقام ملغم بالحب الفصل الحادي عشر و الأخير للكاتبة ساره الحلفاوي

و هو بيبص قدامه بعينين مليانه شرار
بس حلو أوي المول اللي إحنا واقفين قدامه ده و صاحبتك فين الأرض إتشقت وبلعتها!!
بتكدبي على ميتين أهلي ليه!! ردي عشان أنا على أخري!!!
عينيها إتملت دموع و بصت لإيده اللي ماسكه دراعها پعنف ۏجعها ف قالت و هي خلاص ثانيتين و ټعيط
إيدي يا فهد!!!
 حضنتها بإيديها و هي شايفاها إحمرت باست إيده اللي شبه إتكدمت بحنان هدي شوية وبصلها و بص على دراعها اللي مش عارف يشوفه من هدومها خد نفس و مسك راسها بحنان وحضنها و هو بيقول
دراعك واجعك
نفت براسها و هي بتبصله و الدموع على وشها ف مسحها بحنان و خد إيديها باسها برقة و بص للمستشفى و سألها بحنان
مالك يا تاليا جايه هنا ليه لوحدك و إزاي متقوليليش وتعملي الفيلم الهندي ده عليا و مول وصاحبتي و كل الهبل ده بان في عنيكي إنك كنت بتكدبي بش سيبتك بمزاجي عشان أعرف هتروحي فين كدبتي عليا ليه يا تاليا
حضنته و هي بتقول بأسف
أنا أسفه أنا بس كنت عايزه أعملهالك مفاجأه..
بصلها بإستغراب و بعدها عنده بلطف و هو بيقول و هو مش فاهم
مفاجأة إيه دي
وشها إبتهج و هي بتبصله بفرحة مسكت إيده و حطتها على بطنها و هي بتقول و عينيها كلها دموع
أنا حامل يا فهد!!!
إحلفي متأكده!!
ضحكت و هي بتحضنه من رقبته بفرحه
والله حامل يا حبيبي! و في الإسبوع التاني..!!!
فهد الولد هيتفعص بالراحه!!!
خفف إيديها عنها بسرعه وقال بلهفة
أسف يا حبيبتي
بعدت ب وشها عنه و باسته من خده وقالت و عينيها بتطلع قلوب حرفيا
مبسوطة أوي يا فهد هنبقى تلاته تخيل أنا .. أنا بجد مبسوطة مش عارفة أوصفلك..
غمض عينيه و سند جبينه على جبينها وقال يحنان
فاهمك من غير ما توصفيلي عشان أنا حاسس بنفس الفرحه دي دلوقتي هيبقى عندي طفل منك يا تاليا نسخه مصغرة منك..!!
إبتسمت و هي بتمرر صوابعها على دقنه بحنان
ربنا يخليك ليا..!!
حط إيده على بطنها و باس راسها و هو بيقول
ويخليكوا ليه يا نور عيني..
تمت بحمد الله
بشكركوا على كل تعليق إيجابي فرحتوني بيه أو سلبي إتعلمت منه حقيقي شكرا و أتمنى متكونش آخر تجربة معاكوا يا حبايبي
مستنيه رأيكوا النهائي .. شكرا