رواية آسر الفصل الرابع عشر للكاتبة ساره الحلفاوي

هبل ع المسا بقى!!
قال بصرامة خلتها تبعد إيديها و تسكت و هي باصة في الأرض بخجل ممزوج بحزن و فعلا خلص مهمته و إبتدى يلبسها البيچامة و هي لسه واقفة مش بتتكلم منزلة راسها مسك دقنها ورفع وشها ليه و قال بحنان
بتنزلي عينك ليه عينك و راسك مينزلوش أبدا!!!
بصتله للحظات بحزن و ضيق لحد ما شالت إيده و نامت على السرير من غير ما تقوله كلمة! إتنهد و طفى الأنوار و راح ينام جنبها كانت مدياه ضهرها ف حاوطها من ورا و قربها منه قبل وراء ودنها و همس برفق
ليلى .. حبيبي!
نعم!
قالت بحزن ف قال بحنان
زعلانة مني
أيوا .. 
ضمھا أكتر لصدره و ډفن راسه في شعرها و قال بهدوء
طب أنا عملت إيه
إنت عارف إني بتكسف زيادة يا آسر!! ليه دايما بتصمم تكسفني أكتر!
قالت بطفولية حزينة .. ف لفها ليه و قال بحنو
بكسفك زيادة عشان متتكسفيش مني تاني! عشان أنا جوزك!! عشان تتكسفي من أبوك الله يرحمه لو عايش بس مش مني!
بصتله بعينيها اللي واخدة لونها من لون البحر الصافي و قبل ما تهمس بحزن كان بيميل على جفونها و بيزرع عليها ورود من شفتيه إبتلعت باقي الكلام جواها بعد عنها و قال بحنو
أنا آسر يا ليلى .. تتكسفي من آسر!!
كمل ب مزاح
و بعدين والله أنا يترفعلي القبعة! قدرت أقاوم و أنا بغيرلك هدومك عشان البيه اللي قارفني من قبل ما ييجي! مش عارف بصراحة عرفت أسيطر على نفسي إزاي قدام الحلاوة دي! 
إتنهدت و دفنت راسها في صدره و همست
أنا بحبك أوي يا آسر!
إتنهد براحة و مسح على شعرها و هو بيضمها أكتر ليه نزل بشفايفه جنب ودنها و قال بحنان
بمۏت .. فيك!!!

والمهمة دي هتبقى كام يوم إسبوعين! ليه! طيب طيب خلاص مش هترغي معايا .. سلام!!!
و رمى التليفون من إيده على الكومود صحيت ليلى على صوته فركت عينيها بنعاس و قالت بصوتها الناعس
مالك يا حبيبي في حاجه ولا إيه!!
مال عليها و حاوط إحدى وجنتبها و بعدها قال بهدوء
مافيش حاجه يا حبيبي .. كملي نوم لسه بدري أنا نازل شغلي و مش هتأخر إن شاء الله!
أومأت بهدوء
طيب!!
إبتسم إبتسامة زائفة و دخل ياخد شاور كانت هي قامت من على السرير و راحت المطبخ بسرعة تحضرله فطار و بالفعل حضرت فطار في نص ساعة و طلعت عشان تقوله لقته واقف قدام المرايا بيشمر أكمام قميصه مشيت ناحيته و حضنته من ضهره إبتسم و رش من عطره و قال بهدوء
كنت فين
قالت بهدوء و هي بتستنشق ريحته اللي بتعشقها
كنت بحضرلك الفطار!!
لفلها و قال بحنو
بس أنا مطلبتش! قولتلك نامي إيه اللي هيصحيك من دلوقتي!
قالت بحب
هنام و أسيبك تنزل من غير فطار مينفعش يا حبيبي!
أنا متعود على كدا!
قال و هو بيمسد على شعرها ف قالت بلطف
بس ده كان قبل م أنا آجي!! دلوقتي مش مسموح تنزل من غير فطارك و قهوتك!!
إيه الدلع ده كله! 
إبتسمت و هي بتتأمل وسامته و بعدين مسكت إيده و قالت
يلا عشان ننزل نفطر قبل ما الأكل يبرد!
مسك مفاتيحه و تليفونه و مشي معاها أول ما شاف الفطار قال بإبتسامة
عملتي ده كله في نص ساعة يا قردة!!
قالت بإبتسامة شقية
عيب عليك!! أقعد يلا!!!
قعد و قعدت على الكرسي جنبه إلا