رواية رسلان الفصل الثالث عشر للكاتبة ساره الحلفاوي

مشي!!
دخل الجناح في وقت متأخر لاقاها قاعدة على سجادة الصلاة و لابسة إسدالها و بتسبح على باطن صوابعها بصلها بحزن للحظات و رجع بصلها بجمود لما خدت بالها إنه دخل الأوضة ف قالت بإبتسامة منورة
حمدلله على سلامتك!!
و فتحت إيديها و قالت برفق
تعالى!!
و رغم غضبه منها و زعله على نفسه منها إلا إنه مشي ناحيتها بعد ما قلع جزمته عشان سجادة الصلاة قعد قداها و بتنهيدة و قالت بإهتمام
إنت كويس
نفى براسه من غير ما يتكلم ف إتنهدت و قالت
إيه اللي واجعك
قلبي!
قال بهدوء ف تمتم بتأثر
أنا السبب 
إنت و الدنيا عليا!!
قال و هو بيتنهد جوا حضنها ف ضمته ليها أكتر و عينيها دمعت و هي بتقول
أسفة يا روح تيا!! أوعدك عمري ما هاجي عليك تاني!!!
سأل زي الطفل التايه
تيا هو ربنا بيحبك أكتر مني
شهقت پصدمة مش متخيلة إن كلامها أثر فيه للدرجة دي ف قالت
ليه بتقول كدا!
أصلك قريبة منه و أنا لاء!!!
بعد عنها و هو شايف عينيها بتتملي دموع فقال بشرود
هو هيحبني إزاي و أنا كنت بغضبه بشرب مبصليش بعمل كل اللي يغضبه و يزعله مني هيحبني ليه و إزاي كان عندك حق يا تيا! أنا فعلا مستاهلش أبقى أب!!!
بسرعة حاوطت وشه و عينيها متوسعة و هي بتقول بسرعة بتبص لعينيه الحزينة
ششش رسلان إسمعني يا حبيبي باب التوبة مفتوح قدامنا على طول و نقدر نرجعله في أي وقت و نتوب إنت متخيل إنك عملت ذنوب الدنيا و إن ربنا مش هيغفرلك بس ربنا غفور عارف يعني إيه غفور يعني كثير المغفرة على عباده و إنت لو توبت هيغفرلك و بعدين موضوع إنك متستاهلش إنك تبقى أب ده غلط يا رسلان و أنا ورحمة ماما مكنش قصدي يا رسلان إنت هتبقى أجمل و أحن أب في الدنيا!!!
إبتسم بهدوء وبص لوشها المنور و قال
يعني هيسامحني!!!
هيسامحك!!
قالت بيقين و حضنته بحنان ف حضنها هو كمان بهدوء وبحماس مسكت إيده و قالتله ببراءة
تعالى معايا!!
قام معاها بإستغراب ف شدته ناحية الإسدال و زقته براحة لجوا و قالت بهدوء
بص يا حبيبي هعلمك إزاي تتوضى بس هقف برا الحمام عشان لابسة الإسدال إعمل اللي هقولك عليه تمام
أومأ لها ببراءة ف قالتله بإبتسامة
شمر القميص و سمي في قلبك و خلي في نيتك الوضوء!!
علمته الوضوء خلص و طلع ف عدلت طرحة الإسدال على و قالت بإبتسامة
حافظ الفاتحة
بصلها بخجل و لأول مرة في حياته كلها يوطي راسه و قال بأسف
لاء!!!
رغم صډمتها إلا إنها مبينتلوش و قالت بحنان
طيب يا حبيبي قول ورايا!!!
علمته الصلاة و حطت راسه على رجلها و حكتله عن الرسول
صلى الله عليه و سلم مسحت على شعره بحنان و و هو مغمض عينيه مستمتع بصوتها و إيديها اللي في شعره فتح عينيه و بصلها إبتسم و حاوط خدها بإيد واحدة و جذبها برفق ناحيته و باس راسها و قال بهدوء
ربنا يخليكي ليا يا عمر رسلان و دنيته!!!!
إبتسمت و قالت
و يخليك لينا يا حبيبي!!!
يتبع
رسلان الچارحي
تيا عزام
إكتفيت بها 
ساره الحلفاوي