رواية شيقة للكاتبة موروو مصطفي

ماشي ياست جوجو هاتيه معانا يالا يافارس خلونا نقابلهم بره
ونطلع علي طول 
وخرجوا جميعا وذهبوا للمنزل واستقبل عبدالحميد ورباب فارس بحب وجلسوا جميعا يضحكون ويسمعون حكاوي فارس في الغربه وحكاويه عندما وصل وعمايل امه معه وكانت رباب تضحك علي كلامه 
رباب كاميليا نفسها تفرح بيك يافارس ياولدي
فارس خابر يا امي بس لسه مالجتش اللي ټخطف جلبي 
عبدالحميد ربنا يسعدك ياولدي يالا كفاية عليكم اكده جوموا ناموا يالا علشان نلحجوا نصلوا الفجر في المسجد
أحمد يالا بينا يا فارس تصبحوا علي خير نتجابلوا في المسجد 
عبدالحميد انت رايح فين ياحزين منك له
أحمد ح نروحوا عندي يا ابويا
عبد الحميد عنديك فين چنيت انت اياك جوموا ناموا مع جاسر كيف ماكنتم بتعملوا زمان ولا ناسيتم حالكم 
أحمد يا ابويا 
عبدالحميد ولا كلمه عاد چوموا فزوا يالا
جاسر يالا يازفت منك له چبل الحاچ مايضروبنا فوقف فارس وأحمد وجري فارس للاعلي
فارس وعلي ايه الطيب احسن اني اصلا نمت خلاص خخخخ
فضحكوا جميعا عليه وصعد الجميع للنوم وامضي فارس معهم يومين وكانوا في منتهي السعادة سويا وكان جاسر وجميلة دائما معا في كل مكان ورحل فارس علي وعد بالعودة قبل فرح أحمد ولمياء مع أمه وأبيه
البارت الخامس 
مضت الايام وكانت جميلة ولمياء يعملون باجتهاد مع جاسر وأحمد وفي نفس الوقت يقومون بتجهيز الباقي من جهاز لمياء وقامت جميلة ولمياء ومعهم رباب وجاسر بالذهاب وشراء فستان الزفاف للمياء وبعد ان انتهوا من شراء فستان غاية في الروعة جاءوا ليختاروا الفستان الذي سترتديه جميلة فاقترب جاسر منها ومال علي اذنها هامسا
جاسر ممكن ماتشتريش حاجة فنظرت له جميلة باستغراب
جميلة ليه ياجاسر فابتسم لها
جاسر معلش اسمعي كلامي لو سمحتي فوضعت وجهها ارضا ثم ذهبت الي رباب
جميلة امي كفايه اكده اني تعبت فنظرت لها رباب باستغراب
رباب ليه يابتي ما الحاجات ادامنا شكلها يطير العجل
جميلة معلش يا امي نبجوا ناجي مرة تانية فهزت رباب رأسها بقلة حيلة 
رباب ماشي يابتي زي ماتريدي هموا بينا ياولاد يالا وذهبوا للسيارة وتحرك بها جاسر وكانت تجلس بجواره رباب و في الخلف لمياء وجميلة وكان ينظر لجميلة ويشعر انها حزينة لانها لم تشتري فستان لزفاف اخته ولكنه كان يريد ان يفاجئها فشجع نفسه ان يتحمل حزنها هذا قليلا وتكلمت رباب خلاص كده يابنات في حاچة ناجصة 
لمياء لاه خلاص يا امي كل حاچة خلصت خلاص مش فاضل غير اني اودي هدومي وارصها وبس 
رباب علي خيرة الله يابتي ربنا يسعدك ياجلب امك عجبالك ياجميلة يابتي فاحمرت جميلة خجلا
جميلة ربنا مايحرمني منكم يا امي 
رباب ربنا يسعدكم ياولادي ويفرحكم جادر ياكريم 
جاسر ربنا مايحرمنا منكم يا امي ويديمكم علي راسنا 
رباب عجبالك أنت كمان ياولدي لما نفرحوا بيك وغمزت له فنظر جاسر لجميلة 
جاسر جريب يا أمي جريب إن شاء الله
كانت زينة تجلس مع امها في النادي ورأت كاميليا ووجدت ابنتها تقول لها انها والدة فارس فنادت عليها حسناء فهي كانت تعرفها جيدا
حسناء كاميليا كاميليا فنظرت كاميليا لمن ينادي عليها فوجدتها حسناء فابتسمت لها وذهبت في اتجاهها
كاميليااهلا حسناءازيك عاش من شافك بقلنا زمن ماتقبلناش
حسناء اه من سنين يا كاميليا تعالي اقعدي معانا حبييتي اعرفك زينة بنوتي فنظرت كاميليا لها فعرفتها فورا فقد تذكرت أن فارس قد تكلم عنها بالسوء 
كاميليا اهلا زينة ازيك حبيبتي
زينة اهلا انطي ازي حضرتك وعمو وازاي فارس اخباره ايه 
كاميليا الحمدلله والله كلنا تمام الحمدلله 
حسناء انتي جاية تقابلي حد ياكاميليا فارتبكت كاميليا قليلا
كاميليااه فعلا بس شكلهم مش جايين ح اسيبكم واقوم أنا بقي
زينة الله ده فارس هناك اهو يا انطي شكله بيدور عليكي ح اندهه فارس فارس فنظر لها فارس وشاهد أمه معهم فنظر لها بغيظ ثم استغفر في سره ورفع هاتفه طلب ابوه طالبا منه الانتظار في السيارة واقترب منهم 
فارس سلام عليكم
زينة هاي فارس ازيك
كاميليا وعليكم السلام ورحمة الله وبركاته اهلا ياحبيبي أنا قلت انكم مش جايين وكنت لسه ح أمشي
فارس فعلا يا أمي انا كنت جي أخدك علشان بابا مستنينا في الشركة دلوقتي
حسناء ازيك يافارس حمدلله علي السلامة أنا ماما زينة فنظر لها فارس ببرود
فارس اهلا ياطنط الله يسلم حضرتك عن اذنكم يالا يا أمي
كاميليا يالا حبيبي عن اذنكم
حسناء طيب خليكم نتغدي سوا الأول ووضعت زينة يده علي يد فارس وهي تبتسم
زينة اه يافارس خليك نتغدي سوا فنظر لها فارس پغضب ولم يتحمل اسلوبها ودفع يدها عن يده پعنف
فارس من فضلك يا انسة اول واخر مرة ح اقولك ايدك ماتلمسنيش مانتيش تحلي لي علشان تمسكي ايدي بالشكل ده فصعقټ زينة وحاولت حسناء ان تحسن الموقف من وجهتها
حسناء ايه يافارس ياحبيبي ده حتي انت كنت قاعد برة خمس سنين يعني عادي المفروض انك متفتح مش مقفل كده فنظر لها فارس وهو يهز رأسه
فارس بجد والله ده رد حضرتك عموما أنا فعلا كنت مسافر برة وعايش في بلد فيها كل موبقات العالم لكن أنا عارف ديني كويس وتربيتي وأخلاقي
تمنعني إني اتجاوز عن حدود ربنا عن اذنكم يالا يا أمي أنا ورايا شغل 
كاميليا حاضر ياحبيبي يالا عن اذنك ياحسناء سلام يازينة وتركوهم وانصرفوا وهم في حالة من الوجوم من رد فارس علي حسناء وزينة
حسناء ده بني آدم سفيه وقليل الادب وماشفش تربية حيوان فعلا بلا قرف 
زينة شفتي يامامي اهو سخيف كده بس علي مين أنا وراءه لما اوقعه فيا ويكون خاتم في صباعي
حسناء تفتكري وريني شطارتك
كانت جميلة تقف امام دولاب لمياء في منزلها وتقوم برص ملابسها 
جميلة ياختاااااااااااي انا تعبت يامرارك يامهجة
لمياء بتعددي علي ايه ياجوجو
جميلة تعبت وسطي اتقطم وربنا ده حرام جاسر وأحمد واخدنا فحت وردم الصبح وانتي بالليل أنا ح اموت منكم كده فاقتربت لمياء منها وقبلتهاوهي تقوم بدغدغتها وهم يضحكون 
لمياء عقبال ما اعملك ده انتي وجاسر يارب ياخبر ابيض ده أنا ساعتها ح اعمل عمايل واسوي الهوايل فضحكت جميلة
جميلة خليكي وهمانه كده ياست لمياء بكره يطلع نائبك علي شونة وكان جاسر قد دخل علي جمله جميلة
جاسر ح يطلع نئبها علي شونة في ايه ياجوجو ففزعت جميلة ووضعت يدها علي قلبها
جميلة حرام عليك ياجاسر فزعتني والله قلبي ح يقف منك مرة باللي بتعمله فيا ده فاقترب جاسر منها سريعا ووقف امامها
جاسر بعد الشړ عنك ان شا لله أنا ياجوجو فرفعت عيناها له 
جميلة بعد الشړ عليك 
لمياء بعد الشړ عليك بعد الشړ عليكي خير ياسي جاسر جي ليه هنا دلوقتي فنظر لها جاسر بغيظ
جاسر جي اشوفكم يا اخرة صبري واشوف فاضل لكم كتير 
جميلة لا خلاص اخر حاجة هي اللي حطتها دي احنا كده خلصنا كل حاجة حتي هدوم أحمد فالټفت لها جاسر وظهر علي وجهه الڠضب
جاسر هدوم أحمد ومين اللي حطها بقي فيكم ان شاء الله فابتسمت جميلة بخجل
جميلة ماما ياجاسر هي اللي رصتها وسمعت صوت تنهيدته
جاسر طيب تمام يعني خلصتم يالا نتحرك بقي 
جميلة اه ياريت احسن أنا خلصانة خالص وعايزة انااااااااااام فضحكت لمياء وجاسر عليها
جاسر طيب يالا ياستي علشان نروح بدل ماتنامي