رواية شيقة للكاتبة موروو مصطفي

كويس وعارفة كيف بيحب بتي لكن جاسر ولدي حته من جلبي خابراه زين وخابره كيف بيحبك وبيعشجك وكيف حافظ على حبه ليكي عمره مابص لأي واحدة كنت شايفه حبه ليكي في عينه من وهو عنده ١٠ سنين كنتي عندك ٥ سنين وكنتي بتجري ووجعتي في الأرض جري عليكي وشالك وجالي وهو دموعه مغرجة وشه وجالي الحجي يا أمي جميلة واجعت وماعيزاش تفوج يومها جبنا الدكتور وكشف عليكي وعطاكي حجنة وجال مش ح تفوجي الا الصبح فضل جاعد جارك وماسك يدك وكان اول مايحس بيكي بتتحركي ېخاف تتألمي يجري يمسكك وبالاخير جام
ونام جارك وخدك في حضنه كيف الجطة الصغيرة وكان محابي عليكي كأنه خاېف حد ياخدك منيه وفضل جاسر يحاجي عليكي دائما وفي مرة كنتي بتجري وكنتي ح توجعي من على السلم جري ماسكك وجبل ما يلحج نفسه ۏجع ويومها دماغه انفتحت ولما عاتبته كيف يعمل أكده جالي اني فداها يا أمي كيف يعني كنتي عايزانى اسيبها توجع هي اني مش مهم يومها عرفت انه جاسر عشجانك وهو لسه مايعرفش ايه هو الحب لما حصل موضوع المجحومة ده اني عارفة وخابرة جاسر مش بيطجها في أرض ولا سما وعلشان أكده ماخفتش لاني عارفة انه مش شايفها واصل وعارفة انه عشجانك كيف ما انتي عشجاه وعارفة كمان انك عاجلة مش كيف لمياء مطيوره عرفتي ليه عملت اكده
جميلة عرفت يا امي بس هو لو كان جالي ماكانش حاجة من دي حوصلت
رباب دي برضك غلطتي لاني ضغط عليه مايجولش ليكي حاجة كنت خاېفة عليها وعلى سمعتها الله ينتجم منهم شړ انتجام
جميلة خلاص يا أمي الموضوع خلص خلاص الحمدلله وعدي ورجعنا كيف ما كنا اتجمعنا كلاتنا تاني 
جاسر جميلة احكي لي عملتي إيه وازاي سبتي البيت ومشيتي وجعدتي فين
جميلة بعد اللي حصل بينا واحساسي بالجهرة جررت اهرب واستنيت لما نمتم كلاتكم ونزلت وخرجت من الدار مش عارفه افكر وفضلت امشي لغاية مالجيتني بعدت كتير عن الدار والوجت كان ليل جوي فجعدت في مكان مداري علشان محدش يشوفني لغاية ماالنهار طلع وركبت عربية مخصوص وصلتني اسكندرية ودورت على شجة مفروشة واجرتها وجعدت فيها
رباب وحبلك يابتي
جميلة اني كنت عارفة من جبل ما امشي اني حبلة والدكتورة كانت كتبت لي شويه أدوية كنت ماشية عليها
سعاد يعني تبقي كل المدة دي في اسكندريه وماتفكريش تكلمينا ياجميلة
جميلة يا طنط اني ماكلمتش حد خالص
فارس بس ازاي شفتي جاسر
جميلة كان في دواء من ادويتي خلص ونزلت اجيبه وفجاءه لجيته بينده عليا انت شفتني كيف ياجاسر
جاسر انا كنت بتمشي على البحر وفجاءه حسيت ضربات قلبي بتزيد جوي وكأن روحي بترد فيا فضلت اتلفت حواليا لجيتك ماشية الناحية التانيه بعدها مادرتش بحالي الا وانا بجري عليكي وبعدها حوصل اللي حوصل
جميلة متهور بتعدي الكورنيش من غير ماتبص
جاسر اني كنت مستعد اعدي المحيط ليكي ياجميلتي صحيح هو مين بلغ كل الناس دي
جميلة اني جلت طالما انت هنا يبجي اكيد معاك فارس فكلمت فارس وبعدها هو اتصرف
رباب خلاص ياجميلة ح تعاودي معانا مش إكده
جميلة طبعا يا امي ومعانا طنط سعاد وفريدة علشان نلحج بجي نوضب دارها بكفاية العطلة اللي عملتها لهم
فريدة بس يابت عطلة ايه المهم اطمنا عليكي
كارم صحيح ياجميلة شايله ايه يابتي واد ولا بت
جميلة ماشفتش ياعمي جلت لما ابجي اني وجاسر سوا
كارم ربنا يراضيكم يابتي عجبال لمياء وجمر وفريدة وتملوا الدار عيال عبدالحميد ياخوي 
عبدالحميد ايوه ياكارم خير ياخوي
كارم دلوك معتز مش عايز يمسك الشركه في مصر واني خلاص مابجتش عايز اعيش اهناك 
معتز وشغلك يابابا
كارم ح ابيع الشركة ياولدي والفيلا كمان وح اديك نص الفلوس يا اما تدخل شريك مع جاسر واحمد لو حبيت وهما وافجوا يا اما تعمل لنفسك شركة لحالك واني ح اكتفي بشغلي مع عبدالحميد وادهم في البلد ونظر جاسر لأحمد وابتسموا 
جاسر ياعمي يشرفنا وجود معتز شريك معانا لو حب
معتز بجد ياجاسر موافقين اكون شريكم
احمد طبعا يا معتز اولا انت اثبت جدارتك بقوة في الفترة اللي فاتت دي اني كنت في الساحل وجاسر ماكانش في دماغه الشغل غير أن مشروع الساحل محتاج فلوس كتير وكنا لسه بنفكر اني وجاسر ناخد قرض من البنك 
فارس طيب بجولك ايه منك ليه خدوني معاكم الله يرضى عنيكم ونبجي شركه احنا الاربعه فرد الثلاثه موافجين طبعا وضحكوا لان معتز اول مره ينطق كلمه بالصعيدي ومالت جميلة على جاسر وهمست له
جميلة جاسر انت كويس دلوقتي ولا لسه تعبان
جاسر طول ما انتي جانبي انا زي الفل ليه اوعي تكوني تعبانة نسيت اقولك مش انا حسيت بخبطت البنت في جنبي وانتي نايمه جانبي حسيت قلبي ح يطلع من مكانه 
جميلة كانت مبسوطة علشان سامعه صوتك المهم انا كويسة بس عايزة ارجع بيتنا ياجاسر وحشني قوي كل حاجه وحشتني ووردنا ياترى لسه عايشين
فابتسم جاسر وهو يضع جبهته على جبهتها متناسين وجود الكل حولهم وكانوا ينظرون لهم والابتسامة على وجوههم
جاسر كنت براعيهم كل يوم وبقعد جانبهم واكلمهم زي ماكنتي بتعملي بس حتى هما كانوا حزنانين عليكي
وانتبه جاسر لوضعهم فتوقف وتنحنح ونظر لفارس
جاسربقولك يافارس ماتشوف الدكتور لو ينفع نمشي 
فارس نعم ياروح خالتك فشعر بيد تضربه على راسه فاستدار ووجد امه
كاميليا احترم نفسك ياغبي مش كلنا قاعدين
فارس ايه ياحاجة برستيجي ده حتى عيب إكده والله وبعدين هو انتي مش سامعه البيه بيقولك اروح
جاسر يافارس ح اجعد اهبب ايه ما اني ح اروح ارتاح في دارنا بس الواحد
يكون براحته روح بس هم اسئل ينفع نمشي ولا ايه ولو كان إكده وح نمشي شوف لنا دكتورة نسا علشان نكشف على جميلة جبل مانتحرك
فارس حاضر ياخويا قومي معايا يافريدة ماهو انا مش ح اروح اسئل على دكتورة نسا وانا بطولي كده منظري يبقى عار حتى
وذهب فارس وفريدة وجاء معهم الطبيب بعد أن أبلغ فارس بإمكانيه خروج جاسر من المستشفي وبعدها ذهب جاسر على كرسي متحرك مع جميلة بعد أن قام فارس بالحجز لها عند طبيبة نسا
الدكتورة ها طمنيني انتي في الشهر الكام دلوقتي
جميلة اول السادس يادكتوره ودي روشته بالادويه اللي باخذها من اول الحمل 
الدكتورة طيب تمام اتفضلي معايا علشان نعمل السونار ونطمن وذهبت جميلة وهي تدفع كرسي جاسر أمامها ثم نامت على الفراش وكان جاسر بجوارها يمسك يدها بحب
جاسر بصي يادكتورة احنا عايزين نطمن على جميلة والبيبي بس مش عايزين نعرف النوع عايزينه مفاجأه فابتسمت الدكتورة لهم وهي ترى الحب في اعينهم
الدكتورة طيب مبدئيا انتي حصل معاكي اي حاجة الفترة اللي فاتت فارتبكت جميلة قليلا ونظرت لجاسر وهي تضغط على يده بقوة
جميلة حصلي ڼزيف شوية صغيرة اول امبارح بس الدكتورة دولت هنا لحقتني الحمدلله فنظر لها جاسر پذعر
جاسر ڼزفتي امتى حبيبتي
جميلة لما دخلت العمليات ياجاسر ماستحملتش اغم عليا ولما فوقت الدكتورة قالت اني ڼزفت شوية بس هي لحقتني بسرعة
فقبل جاسر يدها ونظر للطبيبة
جاسر ارجوكي طمنينا هي كويسة مش مهم اي