رواية شيقة للكاتبة موروو مصطفي

عليها يشكل محكم واغمض جاسر عينه وهو يتنفسها بقوة وكان يشعر بدقات قلبها تحت يده وفجاءه شعر بخبطه بجانبه فانتفض ووجدها تتحرك وتضع يدها على بطنها فلاحظته كاميليا
كاميليا في ايه ياجاسر
جاسر مش عارف ياطنط حسيت احساس غريب زي مايكون حاجة خبطت في جنبي فضحكت كاميليا وسعاد
سعاد حبيبي ده البيبي خبط جميلة وعلشان هي جانبك قوي انت حسيت بالخبطة فابتسم جاسر
جاسر انا حسيت قلبي بيدق جامد قوي ياحبيبتي انتي مستحملة ده ازاي
كاميليا الامومة مش سهلة ياجاسر ربنا يسعدكم ويرزقكم الذرية الصالحة
جاسر شكل البت دي ح تطلع شقية للمياء وفجاءه سمع تاؤه جميلة واعتدالها فسالها مالك ياقلبي
جميلة مافيش حبيبي بس شكلها بتلعب ماتش كورة جوه فرحانة بصوتك من ساعة ماسمعتك وهي عماله تخبط وترزع فانحني جاسر امام بطنها وهو يهمس لابنته
جاسر حبيبة ابوها خفي علي ماما ياقلب بابا ف لوت جميلة وجهها يشكل طفولي محبب
جميلة هي قلب بابا امال انا ايه فرفع جاسر وجهها ونظر لها 
جاسر انتي عمر بابا كله وحياته وروحه ودنيته ياعمري انتي
فارس جميلة ممكن بقى حضرتك تتعدلي علشان تفطروا
جميلة خلينا نستنى بابا وماما ونفطر كلنا سوا
فارس يابنتي انتي مش بتقولي ليكي دواء
جميلة مش مشكلة هما اكيد زمانهم على وصول وفجاءه فتح الباب ودخل عبدالحميد ورباب فوقف الكل في انتظار المواجهه وجري عبدالحميد واحتضن جميلة بقوة وهو يقبل رأسها وهي تقبل يده ودموعها تتساقط
جميلة اتوحشتك جوي يابويا اتوحشت حضنك جوي
عبدالحميد كيفك يابتي اني كمان اتوحشتك جوي اتوحشت كلامك ورجتك وحنانك مبارك يابتي حبلك بجيتي في الكام دلوك يابتي
جميلة اول السادس يابويا
عبدالحميدحبيبة أبوها جربت تجيب له حبيبة جدها ونور عينه
جميلة ربنا يحفظك لينا يابويا وهمست في اذنه امي عاملة ايه
فهمس لها عبدالحميد موجوعة وجلجانة من المواجهة فابتسمت له ثم قبلت يده وابتعدت عن احضانه ونظرت الي رباب فوجدت دموعها تهبط بغزارة فلم تستطع التحمل فجرت عليها تمسح دموعها وتقبلها وتقبل يدها وتضم نفسها لها بقوة اتوحشتك جوي يا أمي اتوحشت حضنك ورعايتك واهتمامك فرفعت رباب وجهها لها
رباب يعني سمحتي امك ياجلب امك فابتسمت جميلة
جميلة هو معجوله في بت تبجي تربية عبدالحميد زيدان ورباب زيدان وتجدر ماتسامحش او حتى تغضب من أهلها اني بس كنت موجوعه يا أمي لكن كنت راجعة لكم راجعة لكن هو اني أجدر اعيش من غيركم وبعدين مين ح يأخد باله ويربي معايا الكتكوتة اللي بتلعب كورة جوه دي فابتسمت رباب وضمتها بقوة وخرجت جميلة من أحضان رباب وامسكت يدها وذهبت بها جهه جاسر الذي كان عبدالحميد يحتضنه ثم أمسكت يد جاسر وقبلتها وامسكت يد امها وقبلتها ووضعت يدهم في يد بعض فابتسم جاسر لها ثم نظر لأمه
جاسر اتوحشتك يا
امي فارتمت رباب في أحضان ولدها وهي تضمه لصدرها وتقبل رأسه وتركتهم جميلة فامسك جاسر يدها فنظرت له
جميلة ح اروح لعمي كارم حبيبي
البارت العشرين
وذهبت جميلة لكارم ونظرت له وهي تضحك
جميلة ايه يا عمي مش ناوي تسلم عليا ولا ايه شكلي ماوحشتكش مش إكده فحاول كارم الوقوف بمساعدة أدهم ولكن جميلة رفضت قيامه وجلست أمامه على ركبتيها خليك مكانك ياعمي اني اجي لحد عندك فابتسم كارم واحتضن وجهها بيده السليمة وقبل راسها
كارم طول عمرك طيبة وحنونة ومسامحة كيف ابوكي الله يرحمه حجك عليا يابت الغالي حجك على رآسي
جميلة حج ايه ياعمي اني اخدت حجي من الدنيا بوجودي وسطيكم كلاتكم وبحب جاسر ليا ننسى كل حاجة ونعيش سوا زي الاول عمر ما في حاجة ممكن في يوم تفرجنا بيكفي اللي حوصل جبل سابج
كارم ربنا ينتجم منيهم شړ انتجام هما التنين خلاص انتهوا من حياتنا كلاتنا المهم انتي وجاسر تجوموا لنا بالسلامة
جميلة دعواتك ياعمي احسن البت دي شكلها غلاباوية جوي
كارم ربنا يحميكم يابتي ويرزقكم برزجهم ويوسع عليكم كمان وكمان وتبجي الذرية الصالحة
جميلة يارب ياعمو دعواتك
معتز ايه ياست جميلة سلمتي على الكل وانا و قمر فين ياختي
جميلة ياعم اصبر علي رزجك مستعجل ليه جمر ياجمر كيفك ياحبيبتي وبعدين حد يجي يجومني فاتجه لها فارس واحمد ومعتز فضحكت بقوة ونظرت لجاسر هو انتم مستغنين عن روحكم ولا ايه انا جصدي علي الهوانم فاقتربت فريدة ولمياء وقمر وعاونوها فقامت وهي تبتسم لا مجهود بصراحة اه ياني تعبت جعدوني وتعالوا انتم سلموا عليا فضحك معتز وقمر وأخذتها قمر في احضانها وهي تضحك وتبكي معا
قمر كده ياجميلة كده موتينا من الړعب عليكي هونا عليكي تبعدي عنا كل ده
جميلة كان ڠصب عني ياجمر والله اني كمان كنت بمۏت من بعدي عنيكم يالا الحمدلله ايام وعدت معتز كيفك ياخوي
معتز فوضع معتز وجهه في الأرض وشي منك في التراب يا أمنه فنظرت له جميلة وكأنه براسين فضحك بقوة ازيك ياجميلة والله ليكي وحشة مش ح اقدر اعاتبك على اختفاءك علشان عارف ان كان عندك حق بس لوكنت استنيتي كنتي شفتينا كلنا بناخد لك حقك منهم اولنا جاسر واخرنا خالتو رباب فنظرت جميلة لرباب وابتسمت بت ياجميلة امك اتحولت
جاسر بت مين ياغبي والله اجوم لك فضحك معتز
معتز ياعم فرصة اتكلم براحتي وانا ضامن انك مش ح تيجي ناحيتي فابتسم جاسر ونظر لفارس واحمد فقام الاثنان واتجهوا لمعتز وهم يبتسمون فضحك معتز بقوة ووقف خلف جميلة لو حد فيكم جدع يهوب ناحيتي اه هو انا مش ح اخلص منكم ياربي اه ياغلبك يامعتز اديهم طارشة ياجميلة يا اختي مرزبة بعيد عنك فضحكت جميلة ونظرت لهم
جميلة يالا ياعم انت وهو كل واحد يروح مكانه يالا بجي مشوا بعيد جولي بجي يامعتز كيف اتحولت
معتز لا دي قعدة طويلة روحي جنب جوزك واحنا نحكي لك
فارس لا ياعم الأول تفطر هي والأخ ده علشان ادويتهم وبعدها ح نقعد ونحكي كلنا وفعلا قامت لمياء وفريدة بإحضار الفطار الذي احضره فارس وجلس الكل يأكلون سويا وهم يضحكون
وكانت جميلة تطعم جاسر بيدها وانتهوا من طعامهم وجلست جميلة بجوار جاسر وهو يمسك يدها بقوة وبدء معتز في قص كل ماحدث منذ علمت جميلة بزواج جاسر من زينة حتى حضور كريمان وقصها كل الحقيقة وقيامه بضربها وكيف انفعل ابوه عليها وعلى امه وطرده لهم ثم طلاقه لحسناء ولجؤها لرباب التي قامت بضربها ثم طردهم من المنزل وبعدها اكتشاف هروبها وانفعال لمياء وجاسر على رباب وهنا نظرت رباب لجميلة
رباب سامحتي بجد ياجميلة فنظرت لها جميلة وابتسمت
جميلة سامحت يا أمي بس كان ليا سؤال وعايزاكي تردي عليا بصراحة وصدجيني مش ح ازعل
رباب جولي يابتي
جميلة لو لمياء مكاني وأحمد مكان جاسر كنتي ح تجبلي إكده فنظرت لها رباب بۏجع
رباب ح اجولك بس تسمعي للأخر موافجه فهزت جميلة رأسها بالموافقة على كلامها لو لمياء مكانك كنت ح أرفض ففتح الكل فمه ذهولا من ردها فأكملت وح اجولك ليه اني وافجت معاكي مش علشان انتي مش بتي يعلم ربي اني بحبك يمكن اكتر من لمياء لكن وافجت علشان اني عارفة ابني زين اه اني عارفة أحمد