رواية شيقة للكاتبة موروو مصطفي

١٠ سنين باقي عمري كله مامتك وباباكي هما اللي كانوا جانبي وعمرهم ماعاملوني وحش ولا هانوني ولا چرحوني حتى المرة دي ماما كان مضحوك عليها وبتحاول تنقذ عرض بنت اختها بس الحمدلله ربنا ظهر الحق وعرفت انها بنت مش طبيعية
لمياء اسكتي يابت ياجوجو اليوم ده اول مرة اشوف عمي كارم بالطريقة دي وكل اللي طالع عليه انتي حيه ربنا ينتقم منك ولما جت تمشي بصلها باحتقار وقالها ياخسارة خسړتي كل اللي كان ممكن يكون في ضهرك ح تفضلي باقي عمرك زي الكلبة لوحدك ورماها برة البيت هي وامها الحرباية الكبيرة
جميلة عمي كارم استحمل منهم كتير ربنا يعوضه يارب
فارس جميلة عمي عبدالحميد عايز يكلمك
جميلة سلام عليكم يابويا
عبدالحميد وعليكم السلام يابتي أكده ياجميلة تخلعوا جلبي عليكم
جميلة سلامة جلبك ياجلب بتك احنا بخير يابويا الحمدلله وجاسر بكره الصبح ح يكون في اوضة عادية واني بخير صدجني ح نستناكم الصبح بس بترجاك يابويا انا اتفجت معاهم ان ماحدش يعرف جاسر انكم كنتم عارفين مكاني بترجاك يابويا بلاش يعرف ان حضرتك كنت عارف موطرحي ح ينجهر انك كنت شايفاه موجوع وتركته اكده
عبدالحميد خاېفة عليه عاد
جميلة طبعا ده روحي وعمري وحياتي
عبدالحميد خلاص يعني بكفياه عجاب إكده وح تعاودي معانا
جميلة وجبلكم كمان اني اتوحشت البيت جوي واتوحشتك واتوحشت أمي كيفها دلوك
عبدالحميد حزينة عليكي وعلى جاسر هو بيكلمها على الكد مش جادر ينسى انها السبب في بعدك واني مش جادر اكلمها لأنها بعدت بتي عني ولسه عجابها على ضغطها على جاسر
جميلة خلاص يابويا بكفايا إكده بكفاية عجاب خلونا نرجعوا زي ماكنا
عبدالحميد ماشي يابتي حاضر بكفايه عليهم إكده وان شاء الله على أول طيارة ح ناجي كلياتنا ومعانا عمك كارم بس هو هيسلم عليكم وح يمشي
جميلة ليه يابويا هو زعلان مني ولا إيه
عبدالحميد لاه يابتي خجلان منك ومن اللي حوصل فضحكت جميلة خلاص سيبه عليا اني ح اتصرف معاه
عبدالحميد خدوا بالكم من روحكم لحدت ما نشوفكم الصبح يالا في رعاية الله يابتي
جميلة تاجوا بالسلامه يابويا
البارت التاسع عشر
قمر معتز
معتز امممممم حبيبي في إيه
قمر عايزة اقولك حاجة بس ماتتنرفز عليا بليز ممكن فاستدار ونظر لها رافعا حاجبه
معتز انا من امتى اتنرفزت عليكي ياقمر في إيه حبيبتي اتكلمي عايزة تقولي إيه
قمر سألت على مامتك واختك فظل معتز ينظر لها وعروق رقبته تنفر بشدة ووجهه يظهر عليه الڠضب والانفعال فوضعت قمر يدها على يده معتز حبيبي انا عارفة انك مضايق منهم فانتفض معتز غاضبا
معتز مضايق منهم مضايق منهم ياقمر مضايق ايه انا مش طايقهم ولا عايز اشوف وشهم ولا اسمع صوتهم دول مش ممكن يكونوا بني ادمين انتي اصلا قادره تطلبيها ياقمر بعد اللي عملوه معاكي ومع جميلة وجاسر ده انا لو شفتهم ادامي مش عارف ح اعمل ايه فيهم بصي ياقمر علشان خاطري بجد ماتفتحيش كلام في الموضوع ده تاني ممكن
قمر حاضرحبيبي خلاص ماتزعلش نفسك اعتبر اني ماتكلمتش
وفجاءه وجد الهاتف الخاص به يرن برقم عبدالحميد فرد فورا وعلم منه بما حدث لجميلة وجاسر فزاد حنق معتز على امه واخته وأغلق مع عبدالحميد بعد أن أبلغه انهم سيكونون مستعدون في تمام التاسعه صباحا للسفر وبعد أن أغلق معه وحكي ماسمعه لقمر التي بكت على رفيقتها وزوجها وماحدث لهم فوقف معتز ونظر لها 
معتز ايه رايك يستاهلوا حد يعبرهم
قمر خلاص يامعتز مش ح اجيب سيرتهم تاني الله يسامحهم
كانوا كلهم مازالوا يجلسون مع جميلة بالجناح الذي انزلها فيه فارس سعاد تجلس وتأخذ جميلة في احضانها وكل واحدة تجلس بجوار زوجها
جميلة يالا ياجماعة روحوا انتم وتعالوا الصبح
فارس احمد خد لمياء وروح الشقة اللي كانت فيها جميلة ارتاحوا وتعالوا الصبح ووصل معاك طنط سعاد انا ح اقعد انا وفريدة هنا
سعاد انا مش ح اسيب جميلة انزل انت يافارس روح انت وأحمد ولمياء
احمد محدش ح يروح ريحوا نفسكم انا بس ح انزل اجيب لكم اكل وعصير واجي
فريدة طيب دلوقتي جميلة وجاسر محتاجين هدوم
سعاد انزلي انتي يافريدة مع فارس روحي يابنتي هاتي هدوم لجميلة وانت يافارس لو عندك هدوم في الشقه هاتها لجاسر لو معندكش اشتري له انت اكيد عارف مقاسه
فارس طيب تمام خليك انت يا احمد وانا ح انزل انا وفريدة وح اجيب الاكل والعصير معايا وانا جي احنا مش ح نتأخر انا عندي هدوم في الشقة ح اجيبها لجاسر
جميلة فريدة بالمرة قفلي كل حاجة وهاتي لي شنطتي معاكي انا ح اطلع من هنا أن شاء الله على البلد وفجاءه استمعوا لدقات على الباب ففتح فارس الباب وفوجئ بأبيه وأمه أمامه
فارس إيه ده بابا انتم عرفتم منين
أدهم تصدق انا لو أطول اضربك وانت زي الهلف كده كنت ضربتك اوع يابني آدم عايز اطمن على جميلة ودخل أدهم وكاميليا وقاموا بالسلام على الجميع واطمئنوا علي جميلة وجاسر أيضا ثم نظر أدهم لأبنه پغضب لما أنت هنا وحصل اللي حصل ده ما تكلمتش تقولي ليه ازاي يحصل كل ده وماتعرفنيش انت بتستهبل يافارس ولا ايه هو انت مش عارف جاسر وجميلة ايه بالنسبة لنا
فارس يابابا صدقني انا ماكنتش في وعي الموضوع حصل وراء بعض مابقتش عارف افكر بس حضرتك عرفت منين
كاميليا بالصدفة يابني بنتكلم مع عمك عبدالحميد علشان نطمن في اخبار عن جميلة ولا لا فوجئنا باللي حصل واحنا كنا في الساحل اصلا فطلعنا على هنا على طول
جميلة معلش ياطنط معلش ياعمو تعبناكم معانا
كاميليا انا زعلانة منك ياجميلة عارفة ان اللي حصل ده صعب قوي عليكي بس كان مفروض تيجي عليا او على سعاد مش تقعدي لوحدك هنا افرضي تعبتي وانتي لوحدك كنتي ح تتصرفي ازاي
جميلة ماهو علشان كده جيت هنا ياطنط قلت لو تعبت ح اكلم فريدة وطنط سعاد صدقيني ياطنط انا الصدمة كانت شلة تفكيري ماكنتش عارفة افكر معلش بقى الموضوع ده جه على دماغ فارس وفريدة وجوازهم اتعطل بس ان شاء الله اول مانخرج ح اكمل مع فريدة كل حاجه وان شاء الله ننجز وتتجوزوا ونفرح بيكم
فارس ياستي شدوا حيلكم انتم وقوموا بالسلامه وكل حاجة بعد كده سهلة طيب يابابا الوقت اتأخر حضرتك دخلت ازاي فنظر له أدهم
أدهم انت نسيت ابوك مين ياض ولا ايه
فارس لا انسي ازاي المهم طيب حضرتك ح تمشوا دلوقتي وتيجوا الصبح ولا ح تعملوا ايه
أدهم لا انا حجزت الجناح اللي جنب الجناح ده علشان نكون فيه كلنا فضحك فارس
فارس محسسني انك حاجز في فندق مش مستشفى
سعاد يالا يافارس خد فريدة وخلصوا اللي وراكم 
فارس حاضر عن اذنكم احنا مش ح نتأخر يالا يافريدة
فريدة عن اذنك ياطنط عن اذنك يا عمي مش ح نتأخر ح نجيب بس هدوم لجميلة وجاسر
كاميليا اتفضلوا حبيبتي فارس حبيبي خد مفاتيح العربية من بابا وهات الشنطة الصغيرة اللي على الكنبة
فارس حاضر ياأمي عن اذنكم
وذهب فارس وفريدة الي الشقة وقامت فريدة بجمع ملابس جميلة كلها
واحضر فارس بعض من الملابس لجاسر وتحركوا