رواية شيقة للكاتبة موروو مصطفي

واني وجميلة ح نسمي الولد التاني
رباب يبجي البنت نسمة علشان زين ونسمة مايفترجوش واصل فبكت جميلة في أحضان زوجها فسحبتها رباب الي احضانها الله يرحمهم يابتي لو كانوا عايشين كان زمانهم طايرين من الفرحة بيكم بس هما اكيد حاسين بيكم وفرحانين لكم زينا من اهنا وطالع مابجاش في دموع بجي في فرح وبس شفتي مجيهم جر وراءهم التلات هوانم حوامل والدار ح تبجي مليانه بالاولاد ها يابتي ح تسمى الولد التاني ايه فنظرت جميلة لجاسر وابتسمت فضحك جاسر بقوة
جاسر لاه مش ح تسميه على اسمي فاهمة علشان يبجي هو جاسر واحد بس لجميلته وقبل يدها ورأسها وضع رأسه على رأسها اختاري اسم تاني
جميلة طيب أيه رأيك زيد جاسر عبدالحميد
جاسر حلو قوي حبيبتي دلوك اني ح اسيبك معاهم شوية وارجع لك فامسكت جميلة يده
جميلة رايح فين ياجاسر فقبل جاسر يدها ثم قبل يد كل طفل من اطفاله
جاسر ح اروح اعمل حاجة لله حبيبتي قومتي لي بالسلامة وربنا رزقنا بتلات وردات لازم مش كده فابتسمت له ثم قبلت يده بحب
جميلة ربنا مايحرمنا منك حبيبي
عبدالحميد اجعد ياولدي كل اللي عاوزه تم حبيبي اني امرتهم بدبح خمس عجول وتفريجها على الغلابة
جميلة ربنا مايحرمنا منك يابويا
جاسر ربنا يحفظك لنا يا بويا بس اني عايز اعمل حاجة بمال ابوهم بعد اذنك يابويا فابتسم عبدالحميد وطبطب على ولده
عبدالحميد ربنا يزيدك ياولدي ويجعله في ميزان حسناتك بس دلوك لازمن تأذن لكل واحد فيهم الاول
جاسر لاه يابوي حضرتك وعمامي تأذنوا والتلت شحوطه دول يقيموا الاذان فصړخ أدهم
أدهم اني ح أذن للبت اني بجولكم اهه
فضحك الجميع وفعلا اذن عبدالحميد لزين وكارم لزيد وأدهم لنسمه واقام الاذان فارس لنسمه ومعتز لزيد وأحمد لزين وحمل الأطفال فريدة وقمر ولمياء وكان الجميع في منتهى السعادة وأم السعد
ومن معها يملئون الدار زغاريط وعاد جاسر بعد أن قام هو أيضا بالذهاب لدار أيتام وتكفل بثلاث أطفال أيضا بكل شئ وقام بذبح ٣ عجول ووزعهم على دور الأيتام الموجودة في البلد وكانت رباب قد أخذت جميلة واعطتها حمام دافئ وعادت بها إلى الجناح الذي يجلسون به بالأسفل بعد أن قرروا الصعود لجناحهم بالاعلي بعد سبوع الأطفال ودخل جاسر لقرة عينه التي كانت تجلس في الفراش وعلى يدها نسمة ترضعها وبجوارها زين وزيد وعندما دخل وشاهد منظرها وهي ترضع ابنتها وعلى وجهها ابتسامة ساحرة دمعت عيونه وركع ساجد لله وبكي فنظرت جميلة فوجدته هكذا فدمعت عيونها وقام جاسر ونظر لها وابتسم ودموعه تهبط فنظرت له جميلة
جميلة مبسوط ياجاسر شفت اولادنا بقى عندنا ثلاثه ياجاسر
جاسر ربنايحميهم ويحفظهم ويجعلهم الذرية الصالحة حبيبتي
جميلة اللهم امين حبيبي مش ح اقولك عملت ايه لكن ح اقولك ربنا يتقبل منك ويجعل في ميزان حسناتك يارب
جاسر في ميزان حسناتنا حبيبتي لان اللي عملته باسمك واسمي بس حاجة واحدة اللي ح اقولها لك علشان تبقى تشاركيني فيها
جميلة خير ياحبيبي
جاسر انا تكفلت بتلات أطفال في دار الايتام اللي جنب الشركة ولدين وبنت وسبحان الله العظيم الثلاثة اخوات ولد منهم عمره خمس سنوات و ابوهم اتوفى قبل ولادة التؤام بستة اشهر وامهم اټوفت وهي بتولدهم واهلهم ناس فقراء فسابوهم في دار الايتام انا تكفلت بيهم باسمي واسمك وكانت جميلة تبكي وهي تستمع منه وتضم ابنتها بقوة فابتسم لها جاسر اهدي حبيبتي احنا عايزين نبقى دائما نروح لهم ولما الاولاد يكبروا شوية ان شاء الله نبقى ناخذهم معانا
جميلة ان شاء الله حبيبي ربنا يجازيك عنا وعنهم كل خير ان شاء الله أشد حيلي واروح معاك الدار
جاسر ان شاء الله ياضي عيني خلاص رضعتي نسمه
جميلة اه حبيبي خلاص وزين وزيد كمان رضعوا
جاسر حبيبتي لو حاسة انه كتير عليكي ممكن نطلب من الدكتورة تكتب لهم لبن صناعي
جميلة لا ياجاسر مش عايزاهم يرضعوا صناعي وان شاء الله ربنا يقدرني حبيبي
جاسر ان شاءالله حبيبتي هاتي بقى ما دام أكلوا اطلعهم لماما بره علشان اخدك في حضني وتنامي شوية
جميلة انا فعلا محتاجه حضنك قوي
وأخرج جاسر الاولاد الي امه وابيه بالخارج وعاد مرة اخرى لزوجته قرة عينه التي يحبها لدرجة العشق
جاسر انا جيت لك ياضي عيني ح اخد دش واجي لك جري
جميلة ماشي حبيبي وانا في انتظارك
وخرج جاسر من الحمام بعد أن قام باخذ دش على السريع وخرج ثم ذهب وأغلق الباب من الداخل وعاد الي حبيبته مستلقيا بالفراش وهو يأخذ جميلة في احضانه
جاسر انا مشتاق لك بشكل يفوق الوصف ياجميلتي يا قرة عيني يا روحي انا... جميلة انتي حياتي وعمري وقلبي اللي بينبض بين ضلوعي انتي بتمشي في دمي فارتمت جميلة في احضانه تضم نفسها بقوة له ثم رفعت رأسها ونظرت له وهي تبتسم بعشق
جميلة انا كمان حبيبي مشتاقة لك بشكل مايتوصفش من اول ماعرفت يعني ايه قلب يدق كان لك انت.... ياجاسر انت الهواء اللي بتنفسه انا حياتي من غيرك مالهاش وجود انت حياتي انت ابويا وامي واخويا وصديقي وحبيبي انا بعشقك يابن عمي فضمھا جاسر بقوة وهمس لها بصوت أجش
جاسر وانا بعشقك وبهواكي وبدوب فيكي يابنت عمي وظلوا في أحضان بعضهم حتى ذهبوا في النوم
كان الكل يجلس بالخارج وكل واحد يحتضن وليفته وكان الكبار كل رجل منهم يحتضن زوجته بحب والزوجة تحتضن طفل من أطفال جميلة وجاسر اما الصغار فكل زوج يحتضن زوجته وهو يضع يده على بطنها ويبتسم لوجود جزء منه بداخلها والكل تحتل وجهه ابتسامة عاشقة وكانت رباب وكاميليا وسعاد يتكلمون معا وتتفق معهم رباب ماذا سيفعلون في سبوع الاولاد وكانوا يتفقون معا وهم يضحكون والكل يتجاوب معهم
ومرت الايام وجاء يوم السبوع وصمم جاسر على عمل عقيقة للأولاد بالاضافه إلى السبوع وكانت الدار تعمل على قدم وساق فالشباب سويا يركبون الزينات لتزيين الحديقه وكانت جميلة قد اختارت السبوع الذي ترغب به ونزل فارس وفريدة الي القاهرة لشراءه وقامت جميلة بعمل حساب الأطفال في دار الايتام وقامت بابلاغ قمر ولمياء للنزول الي إمكان شراء ملابس الأطفال واشترت ملابس كثيره للثلاث أطفال الذين تكفلوا بهم كما اشترت بعض الملابس الأخرى لجميع الأطفال بالدار وقامت بلف كل الأشياء كهدايا هي والبنات كما أحضرت لهم الكثير من الألعاب وقامت البنات وازواجهم بالمشاركة أيضا في شراء الملابس والالعاب واتفقوا جميعا أن بعد السبوع سيذهبون جميعا للدار واللعب مع الأطفال و بعد العصر قامت ام السعد بإحضار غربال كبير ووضعت به الثلاث أطفال وبداءت تحركهم وهي تقول كلمات السبوع المتعارف عليها ورباب تدق لها الهون والكل يضحك بشدة وهم
يقاطعون بعض في دعوة الاولاد لسماع كلام من منهم عن الاخر وبعد أن هدء الجميع انسحبت جميلة بهدوء وذهبت الي ورودها
جميلة شفتم دي المفروض تكون نهاية احلى قصه حب قصة حب جميلة الجاسر لكن لا لازم تعرفوا ان دي البداية بداية حبنا اللي ح يزيد ويكبر مع أهلنا واولادنا وكان جاسر قد لمح تحركها فتحرك وراءها وسمعها