رواية شيقة للكاتبة موروو مصطفي

حسيت بيها والله وعلشان كده ح اخليها تشوفه على مسئوليتي انا حسيت ان روحهم في بعض هو من اول ماخرج من العمليات وهو بينطق اسمها بس ان شاء الله يبقى كويس ويرجع لك بخير
جميلة متشكره قوي ربنا يخليكي يارب
الممرضة عن اذنكم
كلهم اتفضلي
فارس دلوقتي المفروض اكلمهم في البلد عمي عبدالحميد عمال يرن مش عارف اتصرف ازاي
سعاد لازم يعرفوا ياابني
فارس عمي عبدالحميد لو سمع ان جاسر عمل حاډثة ممكن يحصله حاجة اذا كان هو ولا طنط رباب
فريدة اهي طنطك رباب دي لو جت مش عارفة انا هعمل ايه علشان هي السبب في كل ده فابتسمت جميلة لكلام فريدة ولاحظتها فريدة ايوة كده ياشيخه النبي تبسم طيب احنا دلوقتي ح نقعد ولا ح نمشي ولا ح نعمل ايه
جميلة لا انا مش ح اتحرك من هنا غير مع جاسر
سعاد بص يافارس انت كلم عمك عبدالحميد وقوله ان جاسر نايم دلوقتي وانكم بخير لغاية مانطمن على جاسر وبعدين نقولهم المشكلة في لمياء كمان
فارس اووووووف ده لمياء واحمد انا حاسس اني تايه محتاج افكر كويس انا ح اقفل التليفونات دلوقتي وهو لما ح يلاقي التليفونات مقفولة ح يتصل بيكي يافريدة ردي عليه وبلغيه اننا كنا عندك ونزلنا نتمشى سوا وقولي له ان تليفوناتنا فصلت شحن ولا اقولك لا استنى اول مايرن تاني ردي عليه وقولي له ان تليفوناتنا فصلت شحن وسيبناها عندك تتشحن ونزلنا نتمشى وأننا اول مانرجع ح نكلمه
جميلة فارس كلم أحمد ولمياء خليهم يجوا لمياء ح تنقهر لو عرفت ان اخوها عمل حاډثة وما حدش قالها
فارس انا عندي فكرة تانية انا اكلم أحمد واقوله اني هنا وعايز اشوفهم ضروري علشان لمياء ماتتفزعش وفجاءه رن الهاتف وكان عبدالرحيم فاخبرته فريدة مثلما اتفقت مع فارس وبعدها اتصل فارس بأحمد وأخبره بوجوده في الإسكندرية وطلب منه الحضور الي المستشفى لأن جميلة مريضة قليلا فأخبره أحمد انه سيحضر لمياء ويأتي فورا
كان يجلس فارس بجوار فريدة على الأريكه في غرفة جميلة وسعاد تحتضن جميلة في صدرها وتربت على ظهرها حتى تهدئها كلما بكت واستمعوا لدقات الباب ودخول لمياء واحمد باندفاع
لمياء جميلة ياقلبي مالك حبيبتي حاسه بأيه طمنيني عليكي
فنظرت لها جميلة واڼهارت في البكاء وهي تحتضن لمياء فاقترب احمد من فارس
احمد في ايه يافارس الشكل كده مش جميلة تعبانة بس
فارس اقعد يا احمد وخد لمياء جانبك
احمد قلقتني بس ماشي ونظر للمياء تعالي حبيبتي اقعدي جانبي وسيبيها ترتاح احنا معاها اهو
وبالفعل تحركت لمياء وجلست بجوار احمد ونظر فارس لهم وقص عليهم ما حدث منذ ترك البلد هو وجاسر حتى حضورهم للمستشفى وكانت لمياء تبكي بشده في أحضان زوجها ثم انتبهت لجميلة فجرت عليها واحتضنتها
لمياء جميلة جاسر ح يقوم ويبقى كويس بس انتي لازم تكوني قوية علشان هو يحس بيكي وفجاءه استمعوا لدقات على الباب فسمحوا بالدخول ودخلت الممرضة
الممرضة جيت زي ما وعدتك مستعدة فقامت جميلة سريعا فصړخت بها بالراحة انتي بتعملي ايه على مهلك
جميلة وديني ليه ارجوكي
الممرضة حاضر بس بالراحة على نفسك يالا هاتي ايدك اسندي عليا وامشي بالراحة مش ح يخف هو وتتعبي انتي وذهبت جميلة معها وادخلتها الي جاسر الذي ما أن رأته حتى جرت عليه وامسكت يده تقبلها
جميلة جاسر حبيبي يانبض قلبي سلامتك ياعمري كله ياريت كنت انا وانت لا
وهنا وجدت يده تضغط على يدها وبدء جاسر في فتح عينه ببطء وتكلم بصوت هامس
جاسر بعد الشړ عنك ياضي عيني فابتسمت له جميلة
جميلة حبيبي ياعمري كله وحشتني ياقلب جميلتك
جاسر لسه قلب جميلتي
جميلة ولأخر يوم في عمري ح تفضل قلب جميلتك وعمرها حبيبي... وحشتني قوي قوم بقى كده تعمل في قلب جميلتك كده كنت ح اموت ياجاسر كانت تكلمه ودموعها تهبط وتقبل يده السليمة فنظر لها جاسر بحب 
جاسر اوعي تسيبيني تاني اوعي ياجميلة
جميلة عمرها ما ح تحصل تاني انا جانبك ياقلب جميلتك فوضع يده على بطنها 
جاسر بنوته ولا ولد فاحمر وجهها خجلا
جميلة ماحبتش اعرف لوحدي استنيت نعرف سوا 
جاسر كنتي ح ترجعي لي
جميلة مقدرش استغني عنك روحي متعلقه بيك اكيد كنت ح ارجع لما الألم اللي هنا يروح واشارت الي قلبها فقبل جاسر اصابعه ووضعها على قلبها
جاسر وراح خلاص ولا لسه كفاية عقاپ لغاية كده ح احكي لك كل حاجة كان ڠصب عني
جميلة ماتكلمش كتير وجاءت الممرضة
الممرضة كفايه علشان مايتعبش وهو الصبح ان شاء الله ح
يخرج غرفة عادية وتفضلي جانبه فنظرت لها جميلة وهبطت دموعها فورا 
جميلة لو سبته وخرجت قلبي ح يوقف ارجوكي خليني جانبه مش ح افتح بقى خالص
الممرضة حبيبتي هو لازم يرتاح صدقيني لازم ترتاحوا انتم الاتنين 
جاسر خليكي جانبي لغاية ما انام وبعدين روحي معاها نامي والصبح ان شاءالله ح اكون جانبك فنظرت جميلة لها 
جميلة ممكن
فابتسمت لها الممرضة واشارت لها بالموافقة وظلت جميلة بجواره تحتضن يده وتقبلها وهو أيضا حتى ذهب في النوم فقامت جميلة من جوارها وقبلت رأسه وسائر وجهه ووضعت قبله رقيقه على شفتيه ثم همست في اذنه فكر فيا لغاية ما نتقابل الصبح وتركته وخرجت ووجدت الممرضة في انتظارها وعندما رأتها ابتسمت
الممرضة نام خلاص فهزت جميلة رأسها بالموافقة طيب كويس يالا بينا علشان ارجعك اوضتك وسارت معها جميلة حتى غرفتها وفور ان دخلت وقفوا جميعا 
فارس ها ايه الاخبار طمنينا فنظرت لهم وابتسمت
جميلة الحمدلله الحمدلله كلمني وكلمته وسبته لما نام وح يطلع الصبح غرفة عادية بصوا عايزة اتفق معاكم على حاجة مش عايزة جاسر يعرف ان اي حد منكم كان عارف انا فين فنظرت لها سعاد بخبث
سعاد ليه ياجميلة
جميلة جاسر موجوع اوي يا امي ولو عرف ان حد فيكم كان عارف وشايف وجعه ده وساكت ح يتوجع اكتر وح يصعب عليه حاله اكتر واكتر وح يزعل وانا مش عايزاه يزعل من اي حد علشان خاطري
فارس خلاص ياجميلة ماتقلقيش كلنا مش ح نخليه يعرف اننا كنا عارفين انا دلوقتي ح اكلم معتز واقوله علشان يقدر يوصل المعلومة بهدوء لهم والحمدلله مافيش طيران غير بكرة الساعه ١٠ الصبح وبكده على مايوصلوا يكون جاسر خرج
جميلة لا يافارس كلم بابا وقوله علشان تفهمه كمان انه مايعرفش جاسر انه كان عارف
لمياء جميلة ح تعملي ايه مع ماما فدمعت عيون جميلة فورا فاقتربت لمياء منها واحتضنتها
جميلة تفتكري ممكن اعمل ايه يا لمياء في واحدة متربيه تقدر تقول لأمها حاجة
لمياء لازم تلوميها ياجميلة هي اه الفترة اللي فاتت دي كانت ح ټموت عليكي زي جاسر بس لازم تلوميها علشان تصرفها ده خلاكم بعدتم عن بعض هو كل ده كان كويس
جميلة بس فارس كان بيقولي انها طول ماهي قاعدة ماسكة صورتي وبتعيط مش ح اقدر اوجعها اكتر من كده يالمياء فاقتربت منها سعاد وقبلت رأسها
سعاد هي دي جميلة يا لولو قال يعني انتي مش عرفاها
لمياء ماهو علشان عرفاها كان لازم اقولها كده بس مافيش فايدة جميلة هي جميلة
جميلة يالولو انا ماوعتش على امي وابويا غير